கலைமகன் கவிதைகள்: கொட்டுங்கடீ கும்மியக் கொட்டுங்கடீ

திங்கள், 20 மார்ச், 2017

கொட்டுங்கடீ கும்மியக் கொட்டுங்கடீ

எனது நண்பரொருவரின் வேண்டுகோளுக்கிணங்க...
நானும் எழுதிக் கொடுத்தேன் கும்மிப்பாட்டொன்று..
கன்னி முயற்சி...
பிழைகள் பொறுப்பீர் கவிவாணர்களே...

---------------------

கொட்டுங்கடீ கும்மியக் கொட்டுங்கடீ

கொட்டுங்கடீ கொட்டுங்கடீ கும்மியக் கொட்டுங்கடீ
குதித்துக் குதித்து கும்மியக் கொட்டுங்கடீ
குமிழ்ச் சிரிப்புக் காட்டியே கும்மியக் கொட்டுங்கடீ
குறுநகை புரிந்தே நல்கும்மியக் கொட்டுங்கடீ

கைகளை வீசி வீரமங்கை நாமென்று கொட்டுங்கடீ
காலில் விலங்கு பூட்டுங் காலமதில் கரங்களுயர்த்தி
கன்னியர் மட்டுமல்ல வீரமங்கையரும் நாமென்று
கைகளுயர்த்தி கும்மியக் கொட்டுங்கடீ ….

எதற்கும் அஞ்சாத பெண்டிர் நாமென்று
ஏற்றத்துடன் சுற்றிச் சுற்றி கும்மியக்கொட்டுங்கடீ
எங்களுக்குள் சாதியேதுமில்லை நாமெல்லாம்
ஏற்றங்கொள் சாதியென்று கும்மிதான் கொட்டுங்கடீ

நாங்கள் அடுப்பங்கரை விலங்குகள் இல்லையென்று
நாதமெழுப்பி வளையல்கள் ஓசையெழுப்பவே
தூங்குவோர் எழும்பவே கும்மியக்கொட்டுங்கடீ
குறுநகை புரிந்தே நல்கும்மியக் கொட்டுங்கடீ

தூங்கியது போதும் அறிவில் சிறந்திடுவோமென்றே
தூக்கியே கைகளால் நீங்கள் கும்மியக் கொட்டுங்கடீ
பொங்கியெழ பெண்டியரெல்லோரும் சீராக
பாடிப்பாடி உளம்மகிழவே கும்மியக் கொட்டுங்கடீ

-கலைமகன் பைரூஸ்
19.03.2017
---------------------

கருத்துகள் இல்லை:

கருத்துரையிடுக

இதற்கு குழுசேர்: கருத்துரைகளை இடு (Atom)

கருத்துரை 1

கலைமகன் பைரூஸ் வளர்ந்து வரும் ஒரு சிறந்த கவிஞர்.கவிதை எனப் பார்க்கும் போது இவரது மரபுக் கவிதைகள் உச்சத்தை அடைகின்றன.சந்தம் மிக்க கவிதைகளாகும்.மரபை ஆளமாக கற்ற கவிஞர். வெலிகம என்ற ஊரின் பெயருக்கு புகழ் சேர்க்கும் கவிஞர் என்பதில் எவ்வித ஐயமுமில்லை.இவரது அரங்கக் கவிதைகளும் சுவையானவை.

-எழுத்தாளர் வதிரி. சீ. இரவீந்திரன்

புலவராய் எனை ஏத்தினார் தம்மிக ஆசான்

என் தமிழ் கண்டு, எனை என்றும் ஏற்றிப்போற்றும் உருகுணைப் பல்கலைக்கழக சிரேட்ட விரிவுரையாளர் திருமிகு தம்மிக ஆசான், முகநூல் உள்பெட்டியில் எனை 'புலவர்' எனப் போற்றினார். இதுவும் எனக்குக் கிடைத்த பாரிய சான்றிதழாய் எண்ணுகிறேன். காழ்ப்புக்களுக்கு மத்தியில் சகோதர மொழியியலாளரின் உண்மையான போற்றுதல்..

கருத்துரை 2

கலைமகன் பைரூஸ் மரபினை கைவிடாத கவிஞர். பழம்பெரும் புலவர்களின் சொற்களையெல்லாம் பைரூஸின் கவிதைகளில் கண்டு சொக்கியிருக்கிறேன். தமிழ் பண்டிதராக தன்னைக் காணத்துடிக்கும் சகோதரர் கலைமகன் பைரூஸுக்கு வாழ்த்துகள்!

-கவிமணி என். நஜ்முல் ஹுஸைன்

கருத்துரை 3

உங்கள் சிந்தனையில் பதியமிடப்பட்ட ஆக்க விதைகளில்இருந்து சுவைக்கபடும் தமிழ் பழங்கள் இனிமையானவைகள் எதற்கும் ஒப்பிட்டுச் சொல்லமுடியாதவைகள் வாழ்த்த்துக்கள்!
நீடுபுகழ் நிற்க நிலம்!

-கவிதாயினி கலைமகள் ஹிதாயா ரிஸ்வி

கருத்துரை 4

தமிழ் கவிதை இலக்கண சிறப்பான அறிதலுடன் கவிதைகளை ஆக்குபவர். மேலும் தமிழ்க் கவிதைகளை சிங்களத்திலும், சிங்கள கவிதைகளை தமிழிலும் மொழிபெயர்க்கும் முயற்யில ஈடுபடுபவர். அதிலும் குறிப்பாக தமிழ்க் கவிதைகளை சிங்களத்தில் மொழிபெயர்க்கும் இவரது ஆற்றல் கவனத்திற்குரியது. இந்த ஆற்றல்.மிக்கவர்கள் நம்மத்தியில் குறைவு என்ற வகையில் இவரது அப்பணி பாராட்டதக்கதும், போற்றதலுக்குரியது.

-கவிஞர், எழுத்தாளர் மேமன்கவி