கலைமகன் கவிதைகள்: நவீன ஜடாயுவும் விபீடணனும்!

வெள்ளி, 18 ஏப்ரல், 2014

நவீன ஜடாயுவும் விபீடணனும்!

அதிகாரவர்க்கத்தின் முதுகந்தண்டில்
அமர்ந்து மிக அழகாக
அடாவடித்தனம் செய்கின்றன
இன்றைய ஜடாயுக்கள்!

இன்றைய இராவணன்
கண்களைக் கட்டிக் கொண்டிருக்க
விபீடணன்
ஜடாயுக்கள் காவிதரித்து
இனச்சுத்திகரிப்புச் செய்ய
திறைமறைவில்
திறந்த உபதேசம் செய்கின்றான்!

விபீடணனின் கைப்பிள்ளையாம்
காவிஜடாயுக்களின்
இறக்கைகள்
இரவணனால் வெட்டப்படுமா?

வானரங்களாக நின்று
வனத்திற்கு உரிமை கோருகின்றன
வெளிவேஷம் காட்டும்
வேஷாதாரிகளான ஜடாயுக்கள்!

குடித்துக் கும்மாளமிட்டு
இனத்துவேஷம் செய்தற்கு
ஆயுதங்கள் கோருகின்றன
இராவணனிடம்...

மௌனிக்கின்றான் இராவணன்
இங்கு வாலியும் வாழ வேண்டாமோ?
உள்ளத்தில் மெல்லச் சிரிக்கிறான்
கறுப்புக் கண்ணாடியணிந்து....

அழித்துவா
இரத்தம் ஓட்டிவா பார்த்திருக்கிறேன்..
என் கழுத்தில் உள்ள வஸ்திரம்
இரத்தக்கரையை காணமற் செய்யும்...

இந்த ஜடாயு அறியாத
உண்மை இங்குண்டு...
கழுத்திலுள்ள உனது
இறக்கைகள் வெட்டப்படாமலே
நல்லோரின் ஒரு துஆக்கல்
அழிக்கும் மிக அருகில்....

அங்கு நைல்நதி...
இங்கு மகாவலிநதி...

இன்ஷா அல்லாஹ்!

கருத்துகள் இல்லை:

கருத்துரையிடுக

இதற்கு குழுசேர்: கருத்துரைகளை இடு (Atom)

கருத்துரை 1

கலைமகன் பைரூஸ் வளர்ந்து வரும் ஒரு சிறந்த கவிஞர்.கவிதை எனப் பார்க்கும் போது இவரது மரபுக் கவிதைகள் உச்சத்தை அடைகின்றன.சந்தம் மிக்க கவிதைகளாகும்.மரபை ஆழமாகக் கற்ற கவிஞர். வெலிகம என்ற ஊரின் பெயருக்கு புகழ் சேர்க்கும் கவிஞர் என்பதில் எவ்வித ஐயமுமில்லை.இவரது அரங்கக் கவிதைகளும் சுவையானவை.

-எழுத்தாளர் வதிரி. சீ. இரவீந்திரன்

புலவராய் எனை ஏத்தினார் தம்மிக ஆசான்

என் தமிழ் கண்டு, எனை என்றும் ஏற்றிப்போற்றும் உருகுணைப் பல்கலைக்கழக சிரேட்ட விரிவுரையாளர் திருமிகு தம்மிக ஆசான், முகநூல் உள்பெட்டியில் எனை 'புலவர்' எனப் போற்றினார். இதுவும் எனக்குக் கிடைத்த பாரிய சான்றிதழாய் எண்ணுகிறேன். காழ்ப்புக்களுக்கு மத்தியில் சகோதர மொழியியலாளரின் உண்மையான போற்றுதல்..

கருத்துரை 2

கலைமகன் பைரூஸ் மரபினை கைவிடாத கவிஞர். பழம்பெரும் புலவர்களின் சொற்களையெல்லாம் பைரூஸின் கவிதைகளில் கண்டு சொக்கியிருக்கிறேன். தமிழ் பண்டிதராக தன்னைக் காணத்துடிக்கும் சகோதரர் கலைமகன் பைரூஸுக்கு வாழ்த்துகள்!

-கவிமணி என். நஜ்முல் ஹுஸைன்

கருத்துரை 3

உங்கள் சிந்தனையில் பதியமிடப்பட்ட ஆக்க விதைகளில்இருந்து சுவைக்கபடும் தமிழ் பழங்கள் இனிமையானவைகள் எதற்கும் ஒப்பிட்டுச் சொல்லமுடியாதவைகள் வாழ்த்த்துக்கள்!
நீடுபுகழ் நிற்க நிலம்!

-கவிதாயினி கலைமகள் ஹிதாயா ரிஸ்வி

கருத்துரை 4

தமிழ் கவிதை இலக்கண சிறப்பான அறிதலுடன் கவிதைகளை ஆக்குபவர். மேலும் தமிழ்க் கவிதைகளை சிங்களத்திலும், சிங்கள கவிதைகளை தமிழிலும் மொழிபெயர்க்கும் முயற்யில ஈடுபடுபவர். அதிலும் குறிப்பாக தமிழ்க் கவிதைகளை சிங்களத்தில் மொழிபெயர்க்கும் இவரது ஆற்றல் கவனத்திற்குரியது. இந்த ஆற்றல்.மிக்கவர்கள் நம்மத்தியில் குறைவு என்ற வகையில் இவரது அப்பணி பாராட்டதக்கதும், போற்றதலுக்குரியது.

-கவிஞர், எழுத்தாளர் மேமன்கவி