கலைமகன் கவிதைகள்: இதக் கொஞ்சம் யோசி மச்சான்!

புதன், 13 செப்டம்பர், 2017

இதக் கொஞ்சம் யோசி மச்சான்! - கலைமகன் பைரூஸ்

கைகள் கரகட்ட வர
உடுப்பெல்லாம் ஊத்தபட
ஸுப்ஹிலேயே
யாவரத்துக்கு போரமச்சான்....
நான் சொல்றதக் கொஞ்சம்
கேளுமச்சான்....

அல்லா ரஸுல மறந்து
நாடுகாட்டுக்கு நீங்க போயி
ஆயிரங்கள் பல தேடியுந்தான்
என்னதான் கிழிக்கப்போற...

கோவம் புடிக்கவாணம் மச்சான்
நான் சொல்றதக் கொஞ்சம்
நிண்ணு நீ கேளுமச்சான்...

கோடிக்கணக்கா பணம்சேத்தாலும்
பொம்பிளக்கி நக வாங்கினாலும்
பல மாடிவீடு கட்டினாலும்
ஆறடி நிலமே ஒனக்கு
நிச்சயமா கெடக்கிம் மச்சான்...

புள்ளகுட்டி நல்லா ஈக்கோணுமெண்டு
ஊருக்குள்ள நல்லா வாழ வேணுமெண்டு
படாதபாடு படுகிற மச்சான்
நான் சொல்றதக் கொஞ்சம் கேளுமச்சான்...

ஒங்களத் தொழ வெக்க முன்னம்
நீங்க தொழணும் இம்மயில...
ஒங்கள தொழ வெக்க முன்னம்
நீங்க ஸதகா ஸகாத் குடுக்கஓணும்
ஒங்கள தொழ வெக்க முன்னம்
நீங்க ஹஜ்ஜுக்கு போக ஓணும்
ஒங்களுக்கு நானுமெப்போ
துஆத்தான் கேக்குறன் ஏண்ட மச்சான்...

தொழாதவனுக்கு இஸ்லாத்தில பங்கு இல்ல
தொழாம மார்க்கம் பேசி பயனுமில்ல
என் அன்பான தங்க மச்சான்
ஸுப்ஹுத் தொழுது யாவரம் போங்கோ...
ஸுப்ஹுத் தொழுது யாவரம் செய்ங்கோ...

ஒங்களப்பாத்து புளகுட்டி வளரஓணும்
ஒங்கட எங்கட புள்ள நல்லா வரோணும்
அதுக்காக நாங்க மச்சான்
ஸொபஹிலிருந்தேனும் தொழுவம் மச்சான்

மனம் நோகச் சொல்ல இல்ல...
நான் தொழுறன் எண்டு சொல்ல இல்ல...
பெரியமனிசன் நானும் இல்ல...
நாங்க சொர்க்கம் போகஓணும்...

அன்பான ஏண்ட மச்சான்
அன்பான எங்கட மச்சான்...
அல்லாவ மறந்து போடாதுங்கோ...
ஒங்கள எங்கள நாங்க மாத்திக்குவம்...

ஸலாம் சொல்லி முடிச்சன் மச்சான்
அல்லாவ கல்பில கொள்ளும் மச்சான்
கப்றில நிம்மதியா இருக்க மச்சான்....

-தமிழன்புடன்,
இஸ்மாயில் எம். பைரூஸ்(கலைமகன்)
13.09.2017

கருத்துகள் இல்லை:

கருத்துரையிடுக

இதற்கு குழுசேர்: கருத்துரைகளை இடு (Atom)

கருத்துரை 1

கலைமகன் பைரூஸ் வளர்ந்து வரும் ஒரு சிறந்த கவிஞர்.கவிதை எனப் பார்க்கும் போது இவரது மரபுக் கவிதைகள் உச்சத்தை அடைகின்றன.சந்தம் மிக்க கவிதைகளாகும்.மரபை ஆளமாக கற்ற கவிஞர். வெலிகம என்ற ஊரின் பெயருக்கு புகழ் சேர்க்கும் கவிஞர் என்பதில் எவ்வித ஐயமுமில்லை.இவரது அரங்கக் கவிதைகளும் சுவையானவை.

-எழுத்தாளர் வதிரி. சீ. இரவீந்திரன்

புலவராய் எனை ஏத்தினார் தம்மிக ஆசான்

என் தமிழ் கண்டு, எனை என்றும் ஏற்றிப்போற்றும் உருகுணைப் பல்கலைக்கழக சிரேட்ட விரிவுரையாளர் திருமிகு தம்மிக ஆசான், முகநூல் உள்பெட்டியில் எனை 'புலவர்' எனப் போற்றினார். இதுவும் எனக்குக் கிடைத்த பாரிய சான்றிதழாய் எண்ணுகிறேன். காழ்ப்புக்களுக்கு மத்தியில் சகோதர மொழியியலாளரின் உண்மையான போற்றுதல்..

கருத்துரை 2

கலைமகன் பைரூஸ் மரபினை கைவிடாத கவிஞர். பழம்பெரும் புலவர்களின் சொற்களையெல்லாம் பைரூஸின் கவிதைகளில் கண்டு சொக்கியிருக்கிறேன். தமிழ் பண்டிதராக தன்னைக் காணத்துடிக்கும் சகோதரர் கலைமகன் பைரூஸுக்கு வாழ்த்துகள்!

-கவிமணி என். நஜ்முல் ஹுஸைன்

கருத்துரை 3

உங்கள் சிந்தனையில் பதியமிடப்பட்ட ஆக்க விதைகளில்இருந்து சுவைக்கபடும் தமிழ் பழங்கள் இனிமையானவைகள் எதற்கும் ஒப்பிட்டுச் சொல்லமுடியாதவைகள் வாழ்த்த்துக்கள்!
நீடுபுகழ் நிற்க நிலம்!

-கவிதாயினி கலைமகள் ஹிதாயா ரிஸ்வி

கருத்துரை 4

தமிழ் கவிதை இலக்கண சிறப்பான அறிதலுடன் கவிதைகளை ஆக்குபவர். மேலும் தமிழ்க் கவிதைகளை சிங்களத்திலும், சிங்கள கவிதைகளை தமிழிலும் மொழிபெயர்க்கும் முயற்யில ஈடுபடுபவர். அதிலும் குறிப்பாக தமிழ்க் கவிதைகளை சிங்களத்தில் மொழிபெயர்க்கும் இவரது ஆற்றல் கவனத்திற்குரியது. இந்த ஆற்றல்.மிக்கவர்கள் நம்மத்தியில் குறைவு என்ற வகையில் இவரது அப்பணி பாராட்டதக்கதும், போற்றதலுக்குரியது.

-கவிஞர், எழுத்தாளர் மேமன்கவி