கலைமகன் கவிதைகள்: புலவோரைப் போற்றுகிறேன்!

செவ்வாய், 21 ஆகஸ்ட், 2012

புலவோரைப் போற்றுகிறேன்!

உருவகங்களால் செதுக்கி
உயர்கவிகள்தரும்
உயர்கலைச் சிற்பி!
-----------------------------

அறிவொடு பண்பும் உள்ள
அமைதியும் கொண்ட நல்லோன்!
இறையொரு வனின் மாண்பை
இனிதெனச் சுவைத்திடும் வல்லோன்!
நறுக்கென நயந்திடும் கவிதந்து
நலமாய உருவகம் பொழிவான்!
பிறவழிச் செல்லாதே தமக்கென
பாவளம் கொண்ட கவியோன்!
மறைவழி நின்று மேலும்
மாண்புறு கவிதை தருவானோ?

-தமிழன்புடன்
கலைமகன் பைரூஸ்

பாவரசிக்குப்பா!
----------------------

பாவுக்காப் பாவரசி நாமங்கொள்
பைந்தமிழ்க் காதலி - கலைமகள்
நோவாதே யுளங்கள் பார்ப்பாள்

நேசித்திடுவாள் மனிதத்தைநிதம்!

ஆற்றலுள ஹிதாயா ஈழந்தன்னில்
அழியாத பேருடையாள் - நிலைத்தாள்
போற்றுவம் புகழ்கோக்க பாரில்
பைந்தமி ழணங்குடன் வாழ!

-தமிழன்புடன் கலைமகன் பைரூஸ்
21-08-2012 10:55

கருத்துகள் இல்லை:

கருத்துரையிடுக

இதற்கு குழுசேர்: கருத்துரைகளை இடு (Atom)

கருத்துரை 1

கலைமகன் பைரூஸ் வளர்ந்து வரும் ஒரு சிறந்த கவிஞர்.கவிதை எனப் பார்க்கும் போது இவரது மரபுக் கவிதைகள் உச்சத்தை அடைகின்றன.சந்தம் மிக்க கவிதைகளாகும்.மரபை ஆழமாகக் கற்ற கவிஞர். வெலிகம என்ற ஊரின் பெயருக்கு புகழ் சேர்க்கும் கவிஞர் என்பதில் எவ்வித ஐயமுமில்லை.இவரது அரங்கக் கவிதைகளும் சுவையானவை.

-எழுத்தாளர் வதிரி. சீ. இரவீந்திரன்

புலவராய் எனை ஏத்தினார் தம்மிக ஆசான்

என் தமிழ் கண்டு, எனை என்றும் ஏற்றிப்போற்றும் உருகுணைப் பல்கலைக்கழக சிரேட்ட விரிவுரையாளர் திருமிகு தம்மிக ஆசான், முகநூல் உள்பெட்டியில் எனை 'புலவர்' எனப் போற்றினார். இதுவும் எனக்குக் கிடைத்த பாரிய சான்றிதழாய் எண்ணுகிறேன். காழ்ப்புக்களுக்கு மத்தியில் சகோதர மொழியியலாளரின் உண்மையான போற்றுதல்..

கருத்துரை 2

கலைமகன் பைரூஸ் மரபினை கைவிடாத கவிஞர். பழம்பெரும் புலவர்களின் சொற்களையெல்லாம் பைரூஸின் கவிதைகளில் கண்டு சொக்கியிருக்கிறேன். தமிழ் பண்டிதராக தன்னைக் காணத்துடிக்கும் சகோதரர் கலைமகன் பைரூஸுக்கு வாழ்த்துகள்!

-கவிமணி என். நஜ்முல் ஹுஸைன்

கருத்துரை 3

உங்கள் சிந்தனையில் பதியமிடப்பட்ட ஆக்க விதைகளில்இருந்து சுவைக்கபடும் தமிழ் பழங்கள் இனிமையானவைகள் எதற்கும் ஒப்பிட்டுச் சொல்லமுடியாதவைகள் வாழ்த்த்துக்கள்!
நீடுபுகழ் நிற்க நிலம்!

-கவிதாயினி கலைமகள் ஹிதாயா ரிஸ்வி

கருத்துரை 4

தமிழ் கவிதை இலக்கண சிறப்பான அறிதலுடன் கவிதைகளை ஆக்குபவர். மேலும் தமிழ்க் கவிதைகளை சிங்களத்திலும், சிங்கள கவிதைகளை தமிழிலும் மொழிபெயர்க்கும் முயற்யில ஈடுபடுபவர். அதிலும் குறிப்பாக தமிழ்க் கவிதைகளை சிங்களத்தில் மொழிபெயர்க்கும் இவரது ஆற்றல் கவனத்திற்குரியது. இந்த ஆற்றல்.மிக்கவர்கள் நம்மத்தியில் குறைவு என்ற வகையில் இவரது அப்பணி பாராட்டதக்கதும், போற்றதலுக்குரியது.

-கவிஞர், எழுத்தாளர் மேமன்கவி