கலைமகன் கவிதைகள்: தமிழைப் போற்றிட எழுந்திடு தமிழா!

செவ்வாய், 29 மே, 2018

தமிழைப் போற்றிட எழுந்திடு தமிழா!

குமரிக் கண்டம் தமிழ்ப் பாவலர் சோலை
*********************************************
தலைப்பு : அன்னைத் தமிழை அமுதாய்ப் பருக (முதல் வரி)
**************************************************
எண்ணித் தமிழா எங்கும் எழுக! (இறுதி வரி)
***************************
தமிழைப் போற்றிட எழுந்திடு தமிழா!
*****************************************

அன்னைத் தமிழை அமுதாய்ப் பருக

அமுதமாய் ஒளிரும் நற்றமிழைப் பாட

அங்கையின் ஏந்தி அகிலத்தில் சுடர்விட

அன்புத் தமிழா சட்டெனவெழு தரணியிலே...

ஆண்ட தமிழ் ஆழுந்தமிழ் செந்தமிழே

அகிலத்தில் உயர்செம்மொழி நம் தமிழே

ஆழ்வார்கள் ஏந்திய தமிழ் கனிகைத்தமிழே

ஆண்டிட பாரில் வீழ்ந்திடாதது நற்றமிழே!

இத்தரை மொழிகளில் தண்டமிழே தமிழா

இனிய மொழியென்று பறையறை தமிழா

இனிய பன்னூல்கள் தந்தது நற்றமிழே

இதய சுத்தியுடன் தமிழிற்குழைத்திடு தமிழா!

ஈகை உளம்கொண்ட திருக்குறளும் நாலடியும்

இதமான தொல்காப்பியமும் தருமே பெருமை

ஈசல்கள்போல் நற்றமிழின் வாசமதைத்தமிழா

இத்தரையில் நீயுயர்த்திப் பாடிட எழுந்திடு!

சிலம்பும் மணியும் இனிய நறும்பாடல்களும்

சீறாவும் தேம்பாவணி எல்லாள காவியமும்

சிறந்தே எழுந்தது நம்தமிழில் - உளம்கொண்டு

எண்ணித் தமிழா எங்கும் எழுக.

(80 சொற்கள்)

- கலைமகன் பைரூஸ்

கருத்துகள் இல்லை:

கருத்துரையிடுக

கருத்துரை 1

கலைமகன் பைரூஸ் வளர்ந்து வரும் ஒரு சிறந்த கவிஞர்.கவிதை எனப் பார்க்கும் போது இவரது மரபுக் கவிதைகள் உச்சத்தை அடைகின்றன.சந்தம் மிக்க கவிதைகளாகும்.மரபை ஆளமாக கற்ற கவிஞர். வெலிகம என்ற ஊரின் பெயருக்கு புகழ் சேர்க்கும் கவிஞர் என்பதில் எவ்வித ஐயமுமில்லை.இவரது அரங்கக் கவிதைகளும் சுவையானவை.

-எழுத்தாளர் வதிரி. சீ. இரவீந்திரன்

புலவராய் எனை ஏத்தினார் தம்மிக ஆசான்

என் தமிழ் கண்டு, எனை என்றும் ஏற்றிப்போற்றும் உருகுணைப் பல்கலைக்கழக சிரேட்ட விரிவுரையாளர் திருமிகு தம்மிக ஆசான், முகநூல் உள்பெட்டியில் எனை 'புலவர்' எனப் போற்றினார். இதுவும் எனக்குக் கிடைத்த பாரிய சான்றிதழாய் எண்ணுகிறேன். காழ்ப்புக்களுக்கு மத்தியில் சகோதர மொழியியலாளரின் உண்மையான போற்றுதல்..

கருத்துரை 2

கலைமகன் பைரூஸ் மரபினை கைவிடாத கவிஞர். பழம்பெரும் புலவர்களின் சொற்களையெல்லாம் பைரூஸின் கவிதைகளில் கண்டு சொக்கியிருக்கிறேன். தமிழ் பண்டிதராக தன்னைக் காணத்துடிக்கும் சகோதரர் கலைமகன் பைரூஸுக்கு வாழ்த்துகள்!

-கவிமணி என். நஜ்முல் ஹுஸைன்

கருத்துரை 3

உங்கள் சிந்தனையில் பதியமிடப்பட்ட ஆக்க விதைகளில்இருந்து சுவைக்கபடும் தமிழ் பழங்கள் இனிமையானவைகள் எதற்கும் ஒப்பிட்டுச் சொல்லமுடியாதவைகள் வாழ்த்த்துக்கள்!
நீடுபுகழ் நிற்க நிலம்!

-கவிதாயினி கலைமகள் ஹிதாயா ரிஸ்வி

கருத்துரை 4

தமிழ் கவிதை இலக்கண சிறப்பான அறிதலுடன் கவிதைகளை ஆக்குபவர். மேலும் தமிழ்க் கவிதைகளை சிங்களத்திலும், சிங்கள கவிதைகளை தமிழிலும் மொழிபெயர்க்கும் முயற்யில ஈடுபடுபவர். அதிலும் குறிப்பாக தமிழ்க் கவிதைகளை சிங்களத்தில் மொழிபெயர்க்கும் இவரது ஆற்றல் கவனத்திற்குரியது. இந்த ஆற்றல்.மிக்கவர்கள் நம்மத்தியில் குறைவு என்ற வகையில் இவரது அப்பணி பாராட்டதக்கதும், போற்றதலுக்குரியது.

-கவிஞர், எழுத்தாளர் மேமன்கவி