அழுவதால் நீ
குழந்தையாக முடியாது !
பூ புன்னகைக்கும் !
புன்னகைப்பதால் நீ
பூவாக முடியாது !
காற்று தழுவும் !
தழுவுவதால் நீ
காற்றாக முடியாது !
நதி ஓடும் !
ஓடுவதால் நீ
நதியாக முடியாது !
மழைத்துளி விழும் !
விழுவதால் நீ
மழைத்துளியாக முடியாது !
வானவில் வளையும் !
வளைவதால் நீ
வானவில்லாக முடியாது !
கம்பன் கவிசெய்தான் !
கவிசெய்வதால் நீ
கம்பனாக முடியாது !
மாதிரியின் முகமூடியில்
தன் முகவரி இழந்தவனே !
நில்!
சூரியன் தனை உள்வாங்கித்
தன் சுயம் இழக்காத
நிலவைப் பார் !
கவனி !
மாதிரியைப் படி
அதன் மாதிரி நீ
ஆகிவிடாதபடி !
செல் !
மாதிரியைத் தொடர்ந்து அல்ல !
மாதிரியின் பாதைகளில்
தொடர்ந்து...
போலச் செய்து
போலியாகி விடாதே !
மாதிரி
சூரிய ஒளிகீற்றுகள் தான் !
அதில்
உன் சுயமெனும்
கண்களை இழந்துவிடாதே !
மாதிரியை
உன் தோளில் வை !
மாதிரியின் தோளில்
நீ சவாரி செய்யாதே !
ஏனென்றால்
உன் சுவடுகள்
தெரியாமல் போய்விடும் !
- பாண்டூ
நான் நயந்த பலமுறை சுவைத்த நல்ல கவிதை (கலைமகன்)
கருத்துகள் இல்லை:
கருத்துரையிடுக